Буряад драмын театр соо багшанар, гэр бүлэнүүд, оюутад, һурагшанар ба соелой түргүүтэн суглараа. Мүнөөдэр Буряад хэлэнэй һайндэр ха юм. «Үндэһэн хэлэнэй үлзы хэшэг» гэжэ шанда хүртэхын тула 130 мэдүүлэл ороһон байна. 26 хүн энэ шангай лауреадууд болоо. Буряад Уласай Толгойлогшо «түрэл хэлэндээ дуратай, түрэл хэлэеэ сахин хүгжөөжэ ябаһан зон – манай арадай омогорхол» гэжэ тэмдэглэбэ.

-Хочу искренне поблагодарить всех тех, кто хранит бурятский язык, преумножает. Потому что суть народа – традиция, история и этот язык. Наш язык очень красивый,-отметил Алексей Цыденов, Буряад Уласай Толгойлогшо

Буряад Уласай үндэһэтэдэй лицей-интернадта һурадаг Ольга Имхелова эрхим һурагша гэжэ нэрэ зэргэдэ хүртэжэ, зуун мянган түхэриг-шанда хүртэбэ. «Залуу үетэн түрэл хэлэеэ мэдэхэ еһотойбди. Дээдэ үеһээ дамжан ерэһэн эхэ хэлэн, еһо заншалаа алдаагүй болоболнай, түрэл араднай һалбаран хүгжэхэ» гэжэ тэрэ хэлэнэ.

Шанда хүртэгшэдэй дунда – соелой ба эрдэм болбосоролой түлөөлэгшэд. Буряадай уран зохеолшодой Холбооной Түрүүлэгшэ Сергей Доржиевэй хэлэһэнэй еһоор, «буряад хэлэн соо түрэл арадаймнай сэдьхэл, уг заншал, уйдхар гашуудал, баяр жаргал - бүхы юумэн бии» гэбэ.

 «Эрхим гэр бүлэ» гэжэ мүрысөөндэ Хурамхаанай, Түнхэнэй ба Захааминай аймагуудай түлөөлэгшэнэр шанда хүртэбэд. Айл бүхэн зуун мянган түхэригөөр шагнагдаа. Захааминай аймагай захиргаан Буряад Уласай эгээ эрхим гэжэ тоодо орожо, дүрбэн зуун мянган түхэригэй шан абаба. Түрэл хэлэеэ алдангүй, түби дайдаар төөрингүй ябахамнай дамжаггүй!

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!