Саг хахад соо һунгамалнууд ниислэл хотын барилгын түсэб ямар байхаб гэжэ зүбшэн хэлсэбэ. Саашадаа Улаан-Үдэмнай ямар шэнжэ шарайтай болохоб? Энээн тухай хотын ажаһуугшад мэдэхэ зэргэтэй ха юм. Хотын Захиргаанай Хорооной Түрүүлэгшэ Михаил Мясищевэй хэлэһээр, «Мастер -планай еһоор элдэб хубилалтанууд оруулагдана. Энээнһээ боложо социально- экономическэ ба эрдэм һуралсалай түсэбүүд эршэеэ алдангүй, саашаа бүри хүгжэхэ еһотой» гэжэ һануулба.  Хотын Зүблэлэй хуралдаан дээрэ хамта дээрээ зуу гаран асуудалнууд зүбшэн хэлсэгдээ. Газар зүбөөр хэрэглэхэ арга боломжонууд тухай асуудал гараа.

Газарай хэрэглэлгые данса саарһан дээрэ ондоо болгобол, Байдонов Ключ гэжэ һууринай хүгжэлтэ хубилан һайжарха ха юм. Недондо жэл тэндэ хүүргэ, шата-лестница баригдаа. Тэндэ гэрэлтэй болоо, видео- ажаглалта табигдаа. Хүрэлөөр хэгдэһэн Сэсэг басаганай дүрсэ табяатай.

Хэрбээ юридическэ талаар асуудал шиидхэгдэбэл, Байдонов Ключтэ ажаһуугшад амарха-сэнгэхын тула хото руу ошонгүй, гэрэйнгээ дэргэдэ гое парктай болохо ха юм. Эгээл энэ үдэрнүүдтэ тус асуудал шиидхэгдэхэ юм хаш.

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!