Буряадай Гүрэнэй хүдөө ажахын академиин һуралсалай танхим соохотын захиргаанай ажалшад оншотойгоор буряад хэлэ шудална. Тэдэнэр энэ хэшээлэй үедэ буряад абяануудые зүбөөр үгүүлжэ һурана. Энэ хэрэгтэ буряад дуун гээшэ ехэ туһатай юм байна. Мэдээжэ сэтгүүлэгшэ Баирма Раднаева «манай хэшээлнүүдэй гол зорилго хадаа – хотын захигаанай мэргэжэлтэдые буряад хэлэндэ һургаха. Юундэб гэхэдэ, тэдэнэр гүрэнэй хэлэ мэдэхэ уялгатай ха юм. Ямаршье яһанай хүн хүршэ арадай соел культура, хэлэ бэшэгээр һонирхоходоо, орон нютагтамнай амгалан байдал тогтоно ха юм» гэжэ онсолон хэлэбэ. Шабинар зүбөөр абяа гаргажа һурахынгаа хажуугаар, буряад хэлэнэй грамматикатай танилсана. Зай- сүлөөгүйгөөр элдэб упражнени дүүргэнэд. Бэе бэеһээнь интервью абажа һурана. Тэдэнэр буряад хэлэнэй долгин соо умбана.

Улаан-Үдэ хотын захиргаанай мэргэжэлтэн Зоригто Лубсанов энэ хэшээлнүүд тухай хэлэхэдээ, «Багша бүхэн өөрын методикотой. Тэдэнэр буряад хэлэ заахадаа, хэшээл бүхэниие һонин болгохо гэжэ оролдоно. Нэгэ мэдэхэдээ, буряадаар дуугаржа эхилнэбди» гэжэ тэмдэглэбэ. Энэ хэшээлнүүд үшөө үргэлжэлхэ, эсэтэнь шабинар буряад хэлэн дээр өөһэдынгөө проектнүүдые хамгаалха юм.

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!