Заншалта еһоороо, Советскэ Союзай Герой Владимир Бузинаевич Борсоеой бюстын дэргэдэ «Илалтын одон» гэжэ урилдаан эхилбэ гээшэ. Энэ жэл гурбан зуугаад хүнүүд сугларжа, хурдан түргэнөө харуулха зорилготой. Тэдэнэрэй дунда – анха түрүүшынхиеээ ерэгшэд бии. Тэдэнэр зорюута  велосипед худалдажа абаа ха юм. Зоригто Цырендоржиев «энэ урилдаан тухай дуулаһан байгааб. Олон зоной хабаададаг мүрысөөндэ оролсохын тула велосипед абааб» гэнэ. Павел Сенаторов «үбгэ эсэгэнэрнай фашистнуудые дараа гэжэ мартаха еһогүйбди. Энээн тухай үринэртөө дамжуулхабди. Манай Советскэ аймагай тамиршад олоороо ерээ» гэжэ омогорхон хөөрэнэ. Энэ жэл 15-дахияа велопробег болобо гээшэ. Улаан-Үдын Советскэ аймагай захиргаанай дарга Евгений Эрдынеев хэлэхэдээ, «дай дараһан баатар сэрэгшэдтэ энэ үйлэ хэрэг зорюулжа, тэдэнэрэй нангин дурасхаалые мүнхэлнэбди» гэжэ тайлбарилба. Митингын һүүлээр баглаа сэсэгүүд табигдажа, мүрысөөн эхилбэ. Советскэ аймагай велосипедистнэр Борсоевой, Советскэ, \Коммунистическэ, Балтахиновай гудамжануудаар ябаба. Шархатаһан сэрэгшэдтэ зорюулагдаһан мемориалай дэргэдэ Октябрьска аймагай тамиршад эхи абаба. Харин Железнодорожно аймагай түлөөлэгшэд Славын талмай дээрэһээ мордобо. Бултадаа Илалтын мемориал дээрэ уулзаба гээшэ. Улаан-Үдэ хотын засаг даргын орлогшо Ирина Ковалева бултанда баяр хүргэжэ, «хархис муухай дайсадые дараһан совет сэрэгшэд олон үеын хүнүүдтэ амгалан байдал асараа» гэжэ үшөө дахин һануулба. Мүнөөдэр уран һайханай бүлгэмүүд хатар наада харуулба. Мүнхэ Зулада сэсэгүүд табигдаба. Улаан-Үдэ хотын Зүблэлэй һунгамал Анатолий Белоусов үгэ хэлэхэдээ, «81 жэлэй саада тээ дайсадые даража, Илалта асарһан сэрэгшэдтэ зорюулагдаһан велопробег үшөө дахин манай сэдьхэл хүдэлгэбэ» гэжэ хэлэбэ.

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!