«Сар Гэрэл» гэжэ зүжэг залуу сэбэр дангина басаган тухай юм. Тэрэ хадаа бэлиг талаангаараа, сэсэн ухаагаараа олон зондо һайшаагдадаг байгаа.

Теэд энэ онтохоной сюжет гашуудалтай. Юун шамда сэнтэйб –арад зоной хуби заяан гү али инаг дуран? Гэрэл дангина түрэл арадтаа туһалха гэжэ шиидэбэ. Энэ үльгэрһөө гадна Хальмагай «Джангар» театр үшөө хоер зүжэг асараа. Корней Чуковскын «Мойдодыр» гэжэ зохеолоор табигдаһан спектакль ба «Карлик Нос» гэжэ зүжэг болоно. Хальмагай театрай уран һайханай талаар хүтэлэгшэ Зоя Хонхолджинова «урданай киногой маягаар, хара- сагаан үнгэ хэрэглэн энэ спектакль табяабди. Харин энэ зүжэг манай эгээ дуратай спектакль гээшэ. Оройдоо нэгэ үгын хүсөөр өөрынгөө ажабайдал хубилгажа шадаһан хүбүүн тухай харуулаабди» гэжэ хэлэбэ.

 «Джангар» театр анха түрүүшынхиеэ Буряад орон руу ерээ. Манай харагшад энэ театрай һонин репертуартай танилсана. Харин артистнар Хальмагай зүжэгшэдэй ажал, шанар шэнжыень һонирхон шудална ха юм. Буряадай эрдэм болбосородой яаманай таһагые даагша Наталья Поповагай хэлэһэнэй еһоор, «Гастрольнууд гээшэ яһатан арадуудай хоорондохи харилсаа бэхижүүлнэ, тэдэнэрэй соел культура баяжуулна гээшэ. Энэ жэлэй апрельдэ манай «Үльгэр» театр Элиста хото ошоо бэлэй. Росконцертын оролдолгоор иимэ һонин гастрольнууд үнгэрнэ»  гэжэ тэмдэглэбэ.

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!