Улаан-Үдэдэ буряад хэлэ ганса һургуулинуудта заагдана бэшэ, харин элдэб аргаар залуушуулай дунда нэбтэрүүлхэ гэһэн ажал ябуулагдана. Ямаршье парта үгыгөөр, элдэб меди-талмай, коворкинг, амаралгын таһаг гэхэ мэтэ арганууд хэрэглэгдэнэ. Манай сюжет харагты.

Улаан-Үдын залуушуулай түбтэ буряад хэлэнэй клуб нээгдэбэ.

Шэнэ түбтэ сэнтэй  бэлэгүүд оробо: буряад – ород хэлэнэй толи, методикын шэглэлэй номууд, һуралсалай элдэб номууд.

Энэ түбтэ залуушуул буряад хэлэ шудалха аргатай. Һонигүй, залхуутай хэшээлнүүд эндэ болхогүй. Түрэл арадайнгаа еһо заншал, түүхые тэдэнэр онсо янзаар шудалха.Үшөө тиихэдэ, өөһэдынгөө проект эхилхэдэ болохо.Залуушуулай урда үргэн зам.

Залуушуулые суранзан мэтэ татадаг түб нээгдэбэ гэжэ Улаан-Үдэдэ ажаһуугшад ехэ баяртай. Хотын засаг-даргын орлогшо Ирина Ковалева «Мүнөөдэр баярай оршондо энэ түб нээхэдээ, буряад хэлэн бүри түргэнөөр хүгжэхэ бэзэ гэжэ найданабди. Эндэ элдэб һонин проектнүүд бэелүүлэгдэхэ байха» гэжэ онсолон тэмдэглэбэ. Энэ клубта ерэһэн багшанар баяртайнууд. Оюутадаа абаад ерэхэ зорилготой болоо. Медицинскэ колледжын багша Сэржема Намдакова «Энэ түбтэ ороходо тад ондоо. Һураха, бэшэхэ, наадахада зохид налгайханаар зохеогдонхой. Эндэ ерэһэн айлшад мүнөөдэр булта иигэжэ бодонобди» гэжэ хэлэбэ. «Хотын залуушуул» гэжэ клубай хаяг:  Павловай гудамжа,  17-дохи гэр. Сайтдань оробол, хэрэгтэй мэдээсэл олохот.

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!