Зүблөөнэй гол асуудал - ерэхэ жэлэй бюджет болоно. Уридшалан тоосоонууд болоо. Энэ түсэл абтаха тухай түрүүшын уншалга болоо. Декабрь һара болотор һангай асуудал һайнаар шэнжэлэгдэхэ, шүүмжэлэгдэхэ юм. Удаань хэлсээндэ гаража, энэ асуудал шииидхэгдэхэ. Горсоведэй Хорооной Түрүүлэгшэ Дмитрий Путилин «хотымнай олзо оршо 28 млрд 99 млн болохо, харин гарасань мүн лэ 29 млрд 99 млн болохоор хараалнабди. 2027 ондо тэнсүүритэй бюджет байха еһотой. Недондо жэлэйхидэ ороходоо һан 2 миллиардаар ехэ болоо. Жэлэй эсэстэ налог-татабари суглуулһанай дүнгөөр бюджедэй асуудал шиидхэгдэхэ байха» гэжэ мэдүүлбэ.

Үшөө нэгэ асуудал – хотын юрэнхы түсэбтэ хубилалтануудые оруулха тухай. Зуу гаран нэмэлтэнүүд ороо. Жэшээнь, Байдонов Ключ гэжэ газарта хүн зоной амарха, сэнгэхэ газар бии болохонь гээшэ. Тойроод парк байгуулагдаха юм хаш. Үшөө тиихэдэ, хотоһоо Сэлэнгын хүүргэ тээшэ нугарха харгы хубилхань, юундэб гэхэдэ Стеклазавод һууринда шэнэ путепровод баригдажа эхилхэнь. Энэ түсэл үшөө һайнаар бэлдэгдээгүй, зүгөөр заатагүй бэелүүлэгдэхэ байха. Сергей Бурдюковэй хэлэһэнэй еһоор, «Сэлэнгын хүүргэ доогуур развязка баригдажа, машинанууд тэрээгүүр ябаха болохо» гэжэ нэмэбэ.

Хотын Уставта нэмэлтэ – хубилалтанууд оруулагдаба. Хотын засаг-даргые Буряад Уласай Толгойлогшо нэрлэхэ еһотой, харин хотын Зүблэлэй һунгамалнууд тэрэниие баталха еһотой. «Ажалаараа алдаршаһан хото» гэжэ нэрэ зэргэ Улаан-Үдэдэ 2023 ондо олгуулагдаһан байгаа, харин  мүнөө энэ нэрэ баталагдаба гээшэ.

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!