Россин ба Буряад Уласай гимн зэдэлжэ, тугууд үргэгдэбэ. Улаан-Үдэдэ дурасхаалай буудалгын еһолол эхилбэ гээшэ. 122 милиметрэй гаубицаар, Шишковкын оройһоо буудахыень Сергей Варавинда даалгагдаба. Тэрэ хадаа СВО-до унаһан баатар хүбүүнэй эсэгэ гээшэ.

Сергей Варавин «Сэдьхэлни хүдэлөө. Эсэгэ Ороноо хамгаалгын дайнда унаһан сэрэгшэдтэ энэ буудалга зорюулагдана. Би өөрөө 68 наһатайб. Теэд орон нютагаа хамгаалхаар хэзээдэшье бэлбэнби» гэжэ мэдүүлбэ. Буудалгын еһолол Россин зургаан хотонуудта бии юм. Улаан-Үдэ долоодохинь болоно.

Алексей Цыденов, Буряад Уласай Толгойлогшо Только сила всего народа гарантирует нашей земле, нашей родине свободу, независимость, будущее и счастье. Будем вместе, будем едиными, будем сильными и будем непобедимыми. С праздником, с днём победы,

Россин Герой Дашибал Мункожаргалов «СВО-һоо бусаад байхадаа, дайн тухай иигэжэ бодоноб. Манай үбгэ эсэгэнэр дайнай хатуу шэрүүниие бэе дээрээ үзөө. Олон сэрэгшэд дайнда унабашье, арад зондоо амгалан байдал асараа ха юм. Бидэшье дайсадые дарахаараа дарахабди» гэжэ шангалан хэлэбэ. Арадай Хуралай Түрүүлэгшэ Владимир Павлов нүхэдтөө, нютагаархидтаа хандажа, һайн һайханиие хүсэжэ, Илалта асарһан Россин яһатан арадуудта дурасхаалай һайхан үгэнүүдые хэлэбэ. Улаан-Үдэ хотын засаг дарга Игорь Шутенков «бидэнэр илагшадай үрэ һадаһад хадаа түүхэеэ нангинаар сахижа, урма зоригоор бадаржа ябаха еһотойбди. Манай арад зон хатуу зоригтой» гэжэ хэлэбэ. Заншалта болоһон дурасхаалай буудалгада габьяатай хүнүүд хабаадаха юм. Удаадахи буудалга Россин һайндэртэ, июниин 12-то үнгэрхэ юм.

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!