Буряадай ниислэл Улаан-Үдэ хотодо 2026 оной Алтаргана наадам баярай оршондо нээгдээ. Мянгаад тамиршад, соелой ажалшад ба харагшад Хитадһаа, Монголһоо, Россин хотонуудһаа ерээ.

10 жэлэй саада тээ Буряад орондомнай Алтаргана наадам үнгэрөө бэлэй. Энэ сагай хугсаа соо дүрбэн орон нютагуудаар фестиваль амжалтатайгаар хүгжөө. Алтаргана фестивальда Хитадһаа, Монголһоо, Россиһоо айлшад буугаа. Хамта дээрээ табан мянган хүн ерээ.

Фестивалиин нээлгын баяр жагсаалһаа эхилбэ. Ниислэлэй түб стадион дээгүүр Буряад аймагуудай, Үбэр Байгалай, Эрхүү можын, Монголой ба Хитадай түлөөлэгшэд жэгдэ алхална, Тэдэнэрэй дунда- Улаан-Үдэ хотын ажаһуугшад бии: хотын гурбан аймагуудай соелой, тамирай, эрдэмэй ба эмнэлгын мэдээжэ түргүүтэн колонна соо ябана. Улаан-Үдэ хотын засаг-дарга Игорь Шутенков – эхиндэнь. «Манай хотын 360 жэлэйнгээ ой тэмдэглэжэ байха үедэ иимэ наадам боложо, олон айлшад ерээ. Элинсэгүүдэйнгээ еһо заншал сахижа, яһатан арадууд эб хамта ябанабди» гэжэ мэр хэлэбэ.

Энэ жагсаалда Москвагай, Санкт-Петербургын, Сахалинай, Магаданай, Примориин хизаарай, Татарстанай ба  Ямало-Ненецкэ автономно тойрогой түлөөлэгшэд ябана. 

 «Буряад ба бэшэ арадуудай еһо заншалнуудые сахин һэргээжэ, үнгэтэ һайхан соел культураяа хүгжөөжэ, \эбтэй эетэй байнабди» гэжэ Арадай Хуралай Түрүүлэгшэ Владимир Павлов хэлэнэ. Алтаргана наадамай туг үргэгдэжэ, \уран һайханай «Шэдитэ Алтаргана» гэжэ тоглоом эхилбэ.

Стадион дээрэ боложо байһан баяр еһололой жагсаал, таарамжатайгаар зохеогдоһон һайндэрэй программа харагшадай зүрхэ сэдьхэл доһолгоо. Эмхидхэгшэд ажалаа һайнаар ябуулаа гэжэ тэмдэглэе.

Театрай тоглолто соо – буряад арадай урданай түүхэ, мүнөө үе сагай амжалтанууд ба бэшэ баримтанууд. Һайндэрэй эсэтэ\ Буряад Уласай томо гэгшын туг дэлгээгдэбэ.

 

Ещё больше новостей в нашем официальном канале Telegram!

Скачивайте приложение Peers.TV. Теперь, Вы сможете управлять собственным телевидением, смотреть ТВ бесплатно, без регистрации. В записи и онлайн, из любой точки мира и на нескольких устройствах!